កុមារីម្នាក់រងរបួសក្បាលយ៉ាងធ្ងនធ្ងរ ដោយសារបុរសស្រវឹងស្រាបើកម៉ូតូទៅបុកកង់

កុមារីម្នាក់រងរបួសក្បាលយ៉ាងធ្ងនធ្ងរ ដោយសារបុរសស្រវឹងស្រាបើកម៉ូតូទៅបុកកង់
=========
ខេត្តកំពង់ឆ្នាំង៖បុរសម្នាក់បើកម៉ូតូ ទាំងស្រវឹងជោកជាំ ទៅបុកកុមារី កំពុងជិះកង់ពីក្រោយ បណ្តាលឲរបួសក្បាលធ្ងនធ្ងរ។ គ្រោះថ្នាក់ចរាចរនេះ កើតឡើងកាលពីវេលាម៉ោង៤និង៤៥នាទីល្ងាច ថ្ងៃទី១៥ ខែមករា ឆ្នាំ២០១៦ នៅលើផ្លូវកៅស៊ូក្រោយវិទ្យាល័យ ព្រះបាទសុរាម្រឹត ក្នុងភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង។
បើតាមប្រភពពត៌មានពី សមត្ថកិច្ចនគរបាលចរាចរណ៍ក្រុងកំពង់ឆ្នាំង បានឲខាងពត៌មានយើងថា មុនដំបូងគេឃើញជនបង្ក បានបើកម៉ូតូ យ៉ាងលឿនក្នុងស្ថានភាពស្រវឹង ក្នុងទិសពីត្បូងទៅជើង លុះមកដល់កន្លែងកើតហេតុ ក៏បានបុកកុមារីរងគ្រោះ កំពុងជិះកង់ ពីក្រោយពេញទំហឹង ក្នុងទិសស្របគ្នា បណ្តាលអោយនាងដួល បោកក្បាលពីក្រោយ និងថ្នល់កៅស៊ូ សន្លប់រងរបួសធ្ងន់ធ្ងរ។
ជនបង្កគ្រោះថ្នាក់ឈ្មោះ ក្លូអាយុជាង៣០ឆ្នាំ(រងរបួសស្រាល) រស់នៅភូមិត្រោកលិច ឃុំស្រែថ្មី ស្រុករលាប្អៀរ បើកបរម៉ូតូម៉ាកវេវអាល់ហ្វា ពណ៌ខ្មៅ ពាក់ស្លាកលេខ ក៦៤៧៦.កច១។ចំណែកកុមារីរងគ្រោះមានឈ្មោះ ជៀម សុធារី អាយុ១៤ឆ្នាំ រស់នៅភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង។ក្រោយពីកើតហេតុរួចទាំងជនបង្ក និងជនរងគ្រោះត្រូវ បានគេបញ្ជូនទៅព្យាបាលនៅមន្ទីរពេទ្យខេត្តកំពង់ឆ្នាំង។