យកដាវសាំម៉ូរៃកាប់មន្ត្រីអគ្គិសនីឲរងរបួស ខណៈចុះពិនិត្យកុងទ័រភ្លើង

យកដាវសាំម៉ូរៃកាប់មន្ត្រីអគ្គិសនីឲរងរបួស ខណៈចុះពិនិត្យកុងទ័រភ្លើង
=======

ភ្នំពេញៈស្ត្រីជាម្ចាស់ផ្ទះនិងប្អូនប្រុស បានយកដាវសាំម៉ូរៃ កាប់មន្ត្រីអគ្គិសនីម្នាក់ បណ្ត...ាលឲរងរបួស ។ ហេតុការណ៍នេះ កើតឡើងនាព្រឹកថ្ងៃទី១៥ ខែមករាឆ្នាំ២០១៦ស្ថិតក្នុងសង្កាត់បឹងទំពុន ខណ្ឌមានជ័យ ក្រុងភ្នំពេញ។

តាមប្រភពពត៌មានបានឲដឹងថា មុនដំបូងគេឃើញមន្ត្រីអគ្គិសនី បានចុះទៅពិនិត្យកុងទ័រភ្លើង នៅផ្ទះខាងលើនោះស្រាប់តែស្រ្តីម្ចាស់ផ្ទះ បានស្រែកឲ្យថា មន្រ្តីអគ្គិសនីពុករលួយ ពេលនោះ ជនរងគ្រោះមិនបានតមាត់ តសំដីនោះឡើយ ពោលបានដើរចេញ ស្រាប់តែពេលនោះស្រ្តី ជាម្ចាស់ផ្ទះ និងប្អូនប្រុសបានជិះម៉ូតូ ប្រដាប់ដោយ ដាវសាំម៉ូរៃ ទៅកាប់ជនរងគ្រោះ បណ្តាលឲ្យរងរបួសតែម្តង។

ក្រោយពីកើតហេតុរួច កម្លាំងនគរបាលមូលដ្នាន បានចុះទៅជួយអន្តរាគមន៍ ហើយឈានទៅចាប់ខ្លួនជនបង្កទាំង២នាក់ យកទៅសួរនាំ ដើម្បីចាត់ការតាមច្បាប់៕